En Puff em alde Grawe

Fröjer dor wor weit on breit, bekannt dad "Seelischs Kätt"

Net nur die Hunsröck Bauere, die fanden et ganz nett.

Wenn Einer dann et Städtsche korm on traute sich net hin

dann rief dad "Kätt" ganz ungeniert, komm off en Spronge ren!

En Puff em alde Grawe, am Fenster stieht en Frau.

Die Kowelenzer kenne dad "Brigittsche" ganz genau.

Met huwe Absätz, gruße Bröst schafft dad "Brigittsche" an

on manche Rentner es verdutzt, wie good die dad noch kann!

Bekannter als dad "Seelischs Kätt" on die "Loreley"

es dad Brigittsche, denn dor kimmt jed` Stadtführung vorbei.

"Brigittsche" met dä Männerwelt seit fuffzisch Johr verkehrt

dad hat mie Räiderstonne, als dä Wilhelm off em Pärd.

Manch Fraue, die sen dröwer bies, doch annere sen fruh.

Die läßt dä brave Ehemann jetzt öfters naachts en Roh.

On wenn mir ausgesunge han, dann giehn mir mor dorhin

och wenn et nur zom gugge es, wer giehd denn dor bluß `ren.

(Chorus)

En Puff em alde Grawe, am Fenster stieht en Frau.

Die Kowelenzer kenne dad "Brigittsche" ganz genau.

Met huwe Absätz, gruße Bröst schafft dad "Brigittsche" an

on manche Rentner es verdutzt, wie good die dad noch kann!